Umukuru w’Igihugu yashimye ibikorwa vya Reta y’Uburundi ku bice 85%

Umukuru w’igihugu c’Uburundi Nyenicubahiro Varisito Ndayishimiye yasozereye umwiherero wamaze imisi ibiri kuva kw’igenekerezo rya 22 na 23 kigarama 2020 ku murwa mukuru wa politike i Gitega. Bamaze kurimbura ivyarangutse muri Reta Myeyi Reta Nkozi, yatanze amanota 85%.

Umunyamabanga mukuru wa Reta Prosper Ntahorwamiye yabwiye abamenyeshamakuru yuko Kizigenza wa Republika y’Uburundi yashimye ivyo Reta mvyeyi Reta Nkozi yaranguye inyuma y’amasezerano yapfunditswe mu mwiherero waherukau ntara ya Ngozi kw’igenekerezo rya 21-23 Mukakaro 2020.

Ati intumbero y’uwo mwiherero kwari kurimbura ivyakozwe n’inzego zishasha inyuma y’amezi atandatu zishinzwe.

Abashikiranganji bose ba Reta y’Uburundi be n’abakozi bakuru bakuru bo mu biro vy’Umukuru w’igihugu niho bari bari mugihe basozera uyo mwiherero.